【#樂壇快訊 - 星夢新人戴祖儀唱功被勁踩 周柏豪護師妹：不如你試吓】
樂壇第一張成績表「新城勁爆」琴晚無聲無色咁樣發生咗，新人獎其中一位得獎者就係來自星夢嘅戴祖儀，不過網民似乎對佢嘅唱功唔係好滿意，討論區一面負評，喺 Youtube search 佢啲演出片段，亦都係負評居多。
佢同公司師兄周柏豪都有出席頒獎禮，仲唔梳招牌比比鳥頭，換咗個三七分嘅心型頭出席。事後佢貼咗同戴祖儀嘅合照，有網民就痛心香港樂壇沉淪：「她拿新人獎，那香港樂壇玩完了！」點知周柏豪回應呢位網民，反擊表示：「不如你試下」意指網民試吓唱歌同做新人，了解咗先批評人。
但網民作為樂迷，都有權比意見嘅，至於戴祖儀就回應話：「謝謝你的意見，我會好好向師兄師姐們學習🤗」公道講句，佢啲 live 真係麻麻，但回應都幾有 EQ，繼續努力啦！
Search